Bodi inaendesha mafunzo ya uhakiki ubora msimu wa mwaka 2020.

Kifungu cha 20(1) cha Sheria Namba18 ya Mwaka 2009 ya Korosho na Kanuni za Mwaka 2010 kinabainisha kwamba Bodi ya Korosho Tanzania ndiye msimamizi Tasnia ya Korosho nchini. Pamoja na mambo mengine, Bodi ya Korosho inasimamia udhibiti wa ubora wa Korosho ghafi, karanga na bidhaa zote zitokanazo na Korosho.

Kwa mwaka huu, Bodi ya Korosho inaendesha mafunzo ya uhakiki ubora kwa watu wote wanaofanya kazi ama wenye nia ya kufanya kazi za uhakiki ubora katika msimu wa mauzo ya Korosho kwa mwaka 2020/2021. Mafunzo hayo yanalenga wataalam wapya na wale wanaoongeza ujuzi (kwa waliowahi kupatiwa mafunzo kabla). Mafunzo haya ni muhimu kwa wadau mbalimbali wakiwamo Waendesha Ghala, Wanunuzi, Vyama Vikuu vya Ushirika na Wamiliki wa Viwanda vya kubangua Korosho, wataalam wa ugani na kilimo.

Mafunzo yameanza kufanyika tarehe 01/09/2020 hadi 05/09/2020 katika ukumbi wa mikutano wa Chuo cha Kilimo Mtwara (MAT).

Sifa za Mshiriki:

• Mdau katika tasnia ya Korosho mwenye nia ya kupata elimu ya udhibiti ubora wa Korosho ghafi
• Mtu mwenye elimu ya kilimo au taaluma inayoshabihiana na kilimo