Bodi ya Korosho Tanzania | Matukio Yetu (Gallery)

Matukio Yetu

Gundua picha mbalimbali za kazi, matukio, na ofisi zetu.

MAGARI YA CBT YAENDELEA NA KAZI YA UCHIMBAJI WA VISIMA KATIKA KONGANI YA VIWANDA MARANJE

Magari yaliyonunuliwa na Bodi ya Korosho Tanzania (CBT) kwa ajili ya kusaidia shughuli za uchimbaji wa visima yanaendelea na kazi katika eneo la Kongani ya Viwanda Maranje, Nanyamba, Mkoani Mtwara. Magari hayo ni sehemu ya jitihada za CBT kuwezesha upatikanaji wa huduma muhimu za maji na kuharakisha utekelezaji wa shughuli za maendeleo katika eneo hilo la kimkakati kwa maendeleo ya tasnia ya korosho. Uchimbaji wa visima katika Kongani ya Viwanda Maranje unalenga kuwezesha upatikanaji wa maji kwa ajili ya shughuli mbalimbali zinazotarajiwa kufanyika katika eneo hilo, ikiwemo shughuli za viwanda na huduma nyingine za msingi. Hatua hii inaendelea kuonesha dhamira ya CBT ya kuwezesha mazingira bora kwa ajili ya uwekezaji, uchakataji na uongezaji thamani wa korosho nchini.

UJUMBE WA OFISI YA MWANASHERIA MKUU WA SERIKALI WATEMBELEA CBT, MRADI WA KONGANI YA VIWANDA MARANJE

Ujumbe kutoka Ofisi ya Mwanasheria Mkuu wa Serikali, agosti 14, 2026 umetembelea Bodi ya Korosho Tanzania (CBT), ambapo walipata fursa ya kufahamu shughuli mbalimbali za Bodi pamoja na kushuhudia maendeleo ya Mradi wa Kongani ya Viwanda Maranje unaotekelezwa katika kijiji cha Maranje, Halmashauri ya Mji Nanyamba, Mkoa wa Mtwara.

MWENYEKITI DEO MWANYIKA, AKIPOKEA ZAWADI YA KOROSHO

Zawadi hiyo ilikabidhiwa na Kamu Mkurugenzi wa Masoko na Udhibiti Ubora ndg. Hamidu Mponda kwa Mheshimiwa Mwanyika wakati alipotembelea banda la Bodi ya Korosho Tanzania (CBT) katika Maonesho ya Nanenane yanayofanyika katika Viwanja vya Maonesho vya John Malecela, jijini Dodoma.

KAMATI YA KUDUMU YA BUNGE YA VIWANDA, BIASHARA, KILIMO NA MIFUGO YATEMBELEA BANDA LA CBT MAONESHO YA NANENANE

Kamati ya Kudumu ya Bunge ya Viwanda, Biashara, Kilimo na Mifugo ikiongozwa na Mwenyekiti wake, Mheshimiwa Deo Mwanyika, agosti 7,2026 imetembelea banda la Bodi ya Korosho Tanzania (CBT) katika Maonesho ya Nanenane yanayoendelea katika Viwanja vya Maonesho vya John Malecela, jijini Dodoma.

Afisa kilimo mwandamizi akitoa elimu kwa wageni waliofika banda la CBT

Wageni hawa walitembelea banda la CBT wakati wa maonesho ya nanenane mkoa wa Morogoro na kupata fursa ya kujinza na kuona bidhaa zitokanazo na korosho. Elimu iyo ilitolewa na Afisa kilimo mwandamizi ndg. Abraham Nachinuku.

Kaimu meneja wa CBT tawi la Morogoro akitoa elimu kwa Mkulima

Mkulima kutoka wilaya ya kilosa (kushoto) alipata kuelimishwa na kutatuliwa changamoto zake kutoka kwa Kaimu Meneja wa tawi la Morogoro wakati wa maonesho ya Nanenane mkoa wa Morogoro agosti 5,2026

Mbanguaji wa korosho akitekeleza kwa vitendo

Mmoja wa wadau wa tasnia ya korosho na mbanguaji kutoka mkoa wa Morogoro akibangua korosho zake katika banda la CBT wakati wa maonesho ya nanenane agosti 5, 2026

Mkulima akipokea elimu ya uzalishaji bora wa Korosho

Mkulima wa korosho (kushoto) kutoka wilayani Kilosa mkoa wa Morogoro alipata nafasi ya kuelimishwa juu ya uzalishaji wenye tija kutoka kwa Afisa kilimo bi. Marry Faustine wakati wa maonesho ya Nanenane mkoa wa morogoro tarehe 5/8/2026

Mheshimiwa makamu wa Rais Balozi Dr. Emmanuel Nchimbi alipotembelea banda la CBT kwenye maonesho ya nanenane.

Balozi Dr. Nchimbi amepata nafasi ya kujionea bidhaa mbalimbali zilizoongezwa thamani kutoka kwenye zao la korosho akiwa kwenye banda la CBT kwenye viwanja vya Nzuguni jijini Dodoma agosti 3,2026.

Kaimu Mkurugenzi wa Masoko na udhibiti Ubora CBT akionesha bidhaa za zao la korosho ndg. Hamidu Mponda

Bidhaa hizi zilizoongezwa thamani kutoka kwenye zao la korosho zinapatikana katikana katika banda la CBT kwenye maonesho ya nanenane Dodoma

Watumishi wa CBT akitoa elimu kwa wageni waliofika kwenye banda la maonesho la CBT

Ni katika viwanja vya maonesho ya nanenane nzuguni jijini Dodoma ambapo elimu na fursa mbalimbali kuhusu tasnia ya korosho hutolewa.

Mtumishi wa CBT akitoa elimu kwa wageni waliofika kwenye banda la maonesho la CBT

Ni katika viwanja vya maonesho ya nanenane nzuguni jijini Dodoma ambapo elimu na fursa mbalimbali kuhusu tasnia ya korosho hutolewa.