WAKULIMA WAENDELEA NA MAVUNO YA KOROSHO MTWARA

NALIENDELE - MTWARA

Mavuno ya korosho yanaendelea katika Kata ya Naliendele, Mkoani Mtwara, ambapo wakulima wameanza kuvuna korosho zao kufuatia kuanza kwa msimu wa mauzo wa 2026/2027. Shughuli za uvunaji zinaendelea katika mashamba mbalimbali huku wakulima wakizingatia taratibu bora za uvunaji na utunzaji wa korosho.

Wakulima wanaendelea na shughuli hiyo kwa lengo la kuhakikisha korosho zinakusanywa kwa wakati na kuhifadhiwa katika hali inayolinda ubora wake. Uzingatiaji wa kanuni bora za uvunaji na uhifadhi ni muhimu katika kuhakikisha korosho zinazozalishwa zinakidhi viwango vinavyohitajika katika masoko.

Bodi ya Korosho Tanzania inaendelea kuhamasisha wakulima kuzingatia kanuni za uzalishaji, uvunaji na utunzaji bora wa korosho ili kuongeza ubora na thamani ya zao hilo. Minada ya korosho ghafi inatarajiwa kuanza rasmi Oktoba 19, 2026.